Алпродекс/Лактоз + Алпростадил/ 20мкг-5мл

Зүрх судас /Простагландин Е1 бүлгийн тарилга/

ХЭРЭГЛЭХ ЗААЛТ:

1. Салганах эмгэгийн үеийн захын цусны эргэлтийн өөрчлөлтийг дагалдаж илэрдэг субьектив шинж тэмдгийг сайжруулах, захын цусны эргэлт ба мэдрэл болон хөдөлгөөний үйл ажиллагааны өөрчлөлтийг сэргээнэ (венийн судсанд дуслаар)
2. Дахин судасжуулалтын дараа цусны урсгалыг дэмжих (венийн судсанд дуслаар)
3. Архаг явцтай бүрэн бөглөрлийн [бөглөрөлтөт тромбангит (Бюргерийн өвчин), бөглөрөлтөт атеросклероз] улмаас үүссэн мөчдийн шархлаа болон тайван үеийн өвдөлтийг багасгах (артерийн судсанд тарих, хэрэв артерийн судсанд тарих нь тохиромжгүй байвал венийн судсанд дуслаар)

ХЭРЭГЛЭХ ТУН АРГА ХЭМЖЭЭ:

1. Артерийн судсанд тарих Насанд хүрэгсэд: алпростадилын адилаар хоногт 10-15мкг-ыг 5мл натрийн хлоридын уусмалд уусгаж дуслаар тарих шахуургын тусламжтайгаар артерийн судсанд тасралтгүй (ойролцоогоор 0,1-0,15нг/кг/минут) хийнэ. Эмгэгийн шинж тэмдгээс хамаарч 0,05-0,2нг/кг/минутын хүрээнд тохируулж ихэсгэх ба эсвэл багасгана.
2. Венийн судсанд дуслаар тарих Насанд хүрэгсэд: 40-60мкг-ыг 1 удаа 500мл дуслын уусмалд уусгах ба хоногт 1 удаа 2-с дээш цагийн турш (5-10нг/кг/минут) венийн судсанд дуслаар тарина. Гэхдээ тарих хурдыг 1,2мкг/кг/2цаг-с хэтрүүлж болохгүй. Нас болон өвчний шинж тэмдгээс хамаарч ихэсгэж эсвэл багасгаж тохируулна.

НАЙРЛАГА:

1 ампулд

• Идэвхтэй бодис: алпростадил альфадекс (JP) 666,7мкг (20мкг алпростадилтай адил)
• Туслах бодис: (амьтны гаралтай хольц бодис): лактозын гидрат (үнээний сүү)
• Бусад нэмэлт бодис:тарианы ус

АНХААРУУЛГА:

ДАРААХ ӨВЧТӨНД БОЛГООМЖТОЙ ХЭРЭГЛЭНЭ

1. Зүрхний дутагдалтай өвчтөн (Зүрхний дутагдал улам гүнзгийрч дордсон талаар мэдээлэгдсэн. Болгоомжтой хэрэглэх ба сайтар ажиглана)
2. Хүнд хэлбэрийн чихрийн шижинтэй өвчтөн (нүдний торлогийн эмгэг зэрэг судасны сульдлын улмаас цус алдалт ихсэж болно)
3. Цус алдах хандлагатай өвчтөн (Цус алдалт ихсэж болно)
4. Ходоодны шархлааны өгүүлэмжтэй болон хүндрэлтэй өвчтөн (Цус алдалт ихсэж болно)
5. Тромбоцитын бөөгнөрөмтгий чанарыг саатуулах эм, бүлэн хайлуулах эм, эсвэл цусны бүлэгнэлтийг саатуулах эм хэрэглэж байгаа өвчтөн (“Эмийн харилцан үйлчлэл” гэсэн хэсгийг үз)
6. Нүдний дотоод даралт ихэссэн өвчтөн, нүдний даралт ихсэх өвчтэй хүмүүс (Туршилтын амьтны (туулай) нүдний дотоод даралтыг ихэсгэсэн талаар мэдээлэгдсэн)
7. Бөөрний дутагдалтай өвчтөн (бөөрний дутагдал гүнзгийрч дордож болно)
8. Өндөр настай өвчтөн (“Ерөнхий болгоомжлол” гэсэн хэсгийг үз)